آیتان تبریزلی (آذراوغلو)

تورك ملتين باشي اوجا ياشاماغين ايسته مه ين و بو ملتين استعمارين دوشونن فارس شونيستلري (فارس ملتين باشقا ميلتلردن اوستون بيلنلر) و سانتراليستلر( سياسي و اقتصادي گوجو تهران دا و فارس- مركزي يئرلرده محدودلاشديرماق ايسته ين لر) يوز ايله ياخين دير كي ايراندا بيز توركلرين كيمليك و وارليغيني آرادان آپارماق ايسته يبر لر. بو يولدا اؤزلليكله بيزيم ديل ، مدنيت و تاريخيميزي هدف توتوبلار. اونلار فرهنگي استعمارلا بيزيم ملتين سياسي واقتصادي استعمارين يولون آچماق ايسته ييرلر. ديلي اليندن آلينميش تحقير اولونان بير ملت ، دوشونوب ياراتماق و انكشاف وسيله سيندن محروم قالاراق اؤزونه گووه نه بيلمز. بو ملت استعمار اولماغا آماده دير. اونا گؤره ده شونيسمين فرهنگي ، سياسي و اقتصادي استعمارينا قارشي مبارزه آپارماق يولو ايسه فرهنگي مبارزه دن باشلانير. بيزيم ايلكين مبارزه يولوموز اؤز حقيقي كيمليگيميزه قاييديب اؤز وارليغيميزي منيمسه مك دير. بيزيم ملت استتثماردان قورتولماق اوچون اؤزگه لردن آسلانمادان اؤز آياغي اوستونده دورماغي باشارمالي دير. بو مبارزه هم چتين دير هم ده راحات! بير ملتين ملي شعورو آرتسا او ميلتي استعمارائله مك راحات دئيل . آز هزينه لر له ميلتيميزين ملي شعورون يوكسلده بيلريك. مبارزه نين تكجه يولو اسلحه اله آلماق يا اسلحه قاباغيندا دورماق دئيل . وورغولانماغي فايدالي اولان تانيديغيميز ساده يوللار دا وار:

ادامه مطلب را کلیک کنید....

ادامه مطلب

+ نوشته شده در چهارشنبه سوم آبان 1385ساعت 12:57 توسط آیتان تبریزلی |

آذربایجان حاقدا شعرلر

آذربایجان حاقدا شعرلر

آياغا دور ، آذربايجان!

نه ياتميسان قوجا وولكان، سنين له‎يم!

آياغا دور، آذربايجان، سنين‎له‎يم،

سندن غيري بيز هر شئي بؤله‎بيلليك،

سندن غيري بيز هاميميز اؤله‎بيلليك.

بو، شهريار هاراييدير،

بو، بختيار هاراييدير!

آياغا دور آذربايجان!

بونو سنه زامان دئيير،

مزاريندان باش قالديران بابان دئيير :

ـ نر اوغلونر، سنين‎له‎يم، سيلاح توتان،

كولونگ توتان، يابا توتان،

كسوي توتان نيشانلي‎ار، سنين‎له‎يم!

سنين‎له‎يم، قيز آتاسي،

هاني نعره‎ن، هاني سسين؟

هاني آندين؟

يوخسا سن‎ده ياتميشلارا، باتميشلارا

قيرتيني ساتميشلارا خيردالاندين؟

گؤزونو سيل وطن اوغلو آياغا قالخ!

اوفوقونه بير ياخيشي باخ،

سرحددينه بير ياخيشي باخ،

سرحددينين كمندينه بير ياخيشي باخ!

دور، ايچينده قوخونو بوغ،

اؤلومونه قاليميني آييرد ائله،

دور، ايچيندن دووشاني قوو،

دور، اؤزونو بوزقورد ائله!

واريم ـ يوخوم سنين‎له‎يم،

آزيم ـ چوخوم سنين‎له‎يم

شيرين يوخوم، سنين‎له‎يم

ييخين مني سؤز آتيندان، ـ

آتين مني تانك آلتينا،

ازين مني خينجيم ـ خينجيم.

كسمير اگر سؤز قيلينجيم،

ديدين مني ديديم ـ ديديم،

آتين مني تانك آلتينا،

قاباخداكي بير كؤرپه‎ني خيلاص ائديم،

نئچه‎سني، نئچه‎مني، خيلاص ائديم،

سنين‎له‎يم، سؤزو غملي

اؤزو دملي رهبر آدام!

1918 ـ ده ووروشوردو

دانيشميردي رنجيبر آتان،

رنجيبر آتام!

اويات بيزي اي يارادان :، سنين‎له‎يم!

يابير مرره ياتيرت بيزي!

يابير مرره اوبات بيزي،

يا يئني دن يارات بيزي،

ائي يارادان سنين‎له‎يم!

سنين‎له‎يم ياتميش وولكان،

سنين‎له‎يم!

آياغا دور، آذربايجان،

سنـين‎لـه‎يـم! …

ممد آراز

آذربايجانيم

مين يئردن دوغرانسام سنين يولوندا

سيزيلاماز يارام آذربايجانيم

آچسالار قولومو دوشمنلريني

تالاييب چاپارام آذربايجانيم

****

او بئلي بوكولموش سينميش بيله گي

آنلاماز بابكي دويماز بابكي

ديليم دوتور قلم يازير نئجه كي

سني بوراخمارام آذربايجانيم

****

عادل حاكيم ايستير بو دردي بيله

ياخشي قيمت وئره دليله، ديله

بير گون فورصت دوشسه كي دوشر اله

باغلي ديل آچارام آذربايجانيم

****

ديليمدير شؤهرتيم، ديليمدير شانيم

نئچه كي باغليدير جوشاجاق قانيم

شهبازي يام سيزه قورباندي جانيم

خان چوبانيم، سارام، آذربايجانيم

بو بيزيم وطنميزدير...

خريطه‌ده

آج كؤپكلرين چئينه‌ديي
قويون دري‌سينه بنز‌ه‌ين,

ايينه كيمي اؤزو لوت,
اؤزگه لي بزه‌ين,
آياغيني ايتلر,
ياخاسيني بيتلر يئين,
بو, بيزيم وطنيميزدير.

"آزادليق" دئمك‌دن
يير‌تييلان بو‌غازي‌يلا.

جهنم قيشي‌يلا,

جنت يازي‌يلا,

پول – پول جيبلره دولان
نفتي‌يله, قازي‌يلا

بو, بيزيم وطنيميزدير.

آغلاماقدان
گوزلرينده ياش قالمادي,
صاباحيني دوشونمه‌يه
بير عاغيللي باش قالمادي,
گلن ووردو , گئدن ووردو

داش اوستونده داش قالمادي,
بو, بيزيم وطنميزدير!

قانلي كؤينه‌يي اينينه ياپيشيق,
او, يانيب, بيز يانميشيق.

وطن خارابايا دؤنندن سونرا قانميشيق

بو, بيزيم وطنيميزدير!

گئجه‌سي ظولمت,
گوندوزو قارانليق,
كده‌ري ابدي,
سئوينجي بير آنليق,
,اؤزو بويدا زيندان
اؤزو بويدا قبريستانليق,
,بو بيزيم وطنيميزدير!

اؤزوده بيلمير, هارا تله‌سير,

غلطيني آختاريير,

هله‌ ايندي
ديليني, ميللتيني آختاريير.

اؤزو اؤزونو اؤلدوروب اؤز چيينينده آپاريير,

بو, بيزيم وطنيميزدير.

بد گونو ايله,‌ خوش گونو‌يله,
دايم الي بوش گونو ايله ,
قاچقيني‌يله, كؤچكونويله,
بو, بيزيم وطنيميزدير.

شعر: نصرت كسمنلي

ساتديلار,
,ساتيلاسي دئييل

الدن گئدير ,
تو تولاسي دئييل,

آجي ليغيندان يئييله‌سي,
شيرين لييندن آتيلاسي دئييل,
نه اولسا دا عزيز دير.
ياشاياق گرگ نئيله‌يك,
بو, بيزيم وطنيميزدير!...

ادامه مطلب

+ نوشته شده در چهارشنبه سوم آبان 1385ساعت 12:53 توسط آیتان تبریزلی |