یازان: مئهران بهاری 

آذربایجان تورکجه سینه چئویرن: آیتان تبریزلی

 www.aytan-tabrizli.blogfa.com

aytan_tabrizli@yahoo.com

ايسلام ديني تؤركلر آراسيندا يايلديقدان سونرا ديني قونولار ديني علم‏لره اوزه‏ل بير يئر وئريب چوخ اونم داشيميش دير.ان اسكي تورك كيتابلاريندان بيريسي  "بهجت الحدائق فى موضع الخلايق" آدلي كيتاب14  بولومدن تشكيل اولوب بو كيتاب دا اخلاقي قونولار، اؤيوتلر، ديني موعظه لردن سؤز گئديب. بونلارين يانيندا بير سيرا بيلگي لر قوتسال گونلر و آيلار حاقيندا دا واردير. ها بئله چوخلو ناغيلار، اينجه سؤزلر، آيه لر، حديث لر، تفسير و ايضاح لار و شعر قطعه لري دا واردير.

بهجت الحدائق اسلام دورونون ان ايلكين تورك يازيلاريندان دير كي اوندا اوروجلوق آيي حاقيندا چوخلو سؤز گئديب. كيتابين 8 – دن 14 –جي مجلسينه قده ر اوروجلوق آيينا گوره دير.

كيتابين يازاني بوگؤنه قده‏ر بللي دئييل. كيتاب ايلك دفعه 1945 – جي ايلده تاپيليپ، بوگونه دك 4 نوسخه الده ائديليب. ان اسكي نوسخه سي 13  - نجي يوز ايللره عاييت دير. كيتاب تورك ديلينين بيرينجي نمونه لر و ادبي متن‏لريندندير كي اسكي تورك ديليني چاغداش تورك ديلينه باغلايير و چاغداش تورك ديلينين قارانليق و تانينماميش دوورونون – 13 – جي يوزايلليكدن اونجه- آيدينلاشديرير.

بير سيرا توركولوقلار بهجت الحدايق كيتابي ني – اؤزه لليكله اونون منظوم بؤلوملرين – مولانا جلال الدين بلخي نين شعرلري ايله خوراسان توركجه سي نين لهجه سينه عاييد بيليرلر. بير آيري سيرا ديلچي بو اينانجي‏دا ديرلار كي بو اثر روم سلجوقولارين زامانيندا يازيليب. بهجت الحدايق ديل ، لغت دولغونلوغوندان، ايفاده و بديعي كيمليك باخيميندان ده‏يرلي بير اثردير. كيتاب تورك ديلينين تاريخ و ادبيات باخيميندان ها بئله اينانجلار اخلاق علمي باخيميندان ان اؤنملي يازيلاريندادير. بونالاري گؤز اونونه آلاراق چوخلو توركلوق اونو قوتادقوبيليك اثري ايله بيرگه گؤرموشلر.

آشاغيدا بو مجلس‏لرين بير سيراسي اوروجلوق آيي و فطر بايرامي، اونون ارژينال يازيلاري نين عيني كيمي و  تورك ديلينين قايدالاري اوزره  نقل اولونور. بير سيرا كلمه لرين فارسي آنلاميدا اتك يازيدا گليب.  ديرناق آراسيندا اولان كلمه‏لر چاغداش تورك ديلينده اولان كلمه لرين معادلي دير.او كلمه‏لر كي معادلي يازيلماييب عين حالدا چاغداش تورك ديلينده ايشله نير.

 (بو یازینی فارس دیلینده خراسان وئبلاگیندا گوره بیلرسینیز)